Болоньӓсир

Болонихӓ (рушла деревня Болониха) ― Изи Йынгы ӓнгӹрӹн вургымла сирӹштӹжӹ вӓрлӓнӓ. Октябрьский якте 3 уштыш. Сола лӹм «Болона» (нарост на дереве) мыскылымы фамили доно кӹлдӓлтӹн.

Истори

Сола XVII курым мычашты шачын. Сола халык первишен мӱлӓндӹ пӓшӓм ӹштен, вольыкым урден. 1893-шы ин солашты кым мардеж вӓкш ылын. 1876-шы дӓ 1783-шы ин кок ӱ заводым пачмы. 1922-шы ин 2 мардеж вӓкш пӓшӓм ӹштен. 1930-шы ин Болонихӓштӹ «У корны» лӹмӓн колхозым пачмы. Кого Вырсышты сола гӹц 72 эдем кредӓлӹн, нӹнӹ логӹц кымлы ӹндекшӹнжӹ коленӹт, а кымлы кым эдем токышты пӧртӹлӹнӹт. Тидӹ: рядовой Василий Фёдорович Сомихин, капитан Геннадий Андрианович Дунин, мл. лейтенант Константин Александрович Горбунов дӓ молат.

Ӹлӹзӹ шот

1646-шы и — 7 кудывичӹ (11 пӱэргӹ);
1717-шӹ и — 7 кудывичӹ (47 пӱэргӹ, 48 ӹдӹрӓмӓш);
1795-шӹ и — 43 кудывичӹ (101 пӱэргӹ, 134 ӹдӹрӓмӓш);
1859-шӹ и — 46 кудывичӹ (105 пӱэргӹ, 121 ӹдӹрӓмӓш);
1897-шӹ и — 50 кудывичӹ (130 пӱэргӹ, 140 ӹдӹрӓмӓш);
1915-шӹ и — 53 кудывичӹ, 247 эдем;
1919-шӹ и — 60 кудывичӹ, 290 эдем (128 пӱэргӹ, 162 ӹдӹрӓмӓш);
1925-шӹ и — 289 эдем;
1929-шӹ и — 71 кудывичӹ, 314 эдем;
1940-шӹ и — 79 кудывичӹ, 358 эдем;
2001-шӹ и — 67 кудывичӹ, 75 эдем (37 пӱэргӹ, 38 ӹдӹрӓмӓш).