Изи Пистерлӓ

Изи Пистерлӓ (рушла Малое Микряково) — Цикмӓ-Яштуга когогорнышты вӓрлӓнӓ. Эмӓн якте 1 уштыш. Сола лӹм «изи» (маленький) дӓ «пистер» (липняк) шамаквлӓ гӹц лин. Тошты документвлӓштӹ сола «Микрӓк» лӹм доно анжыкталтын.

Истори

Пӹтӓришӹ гӓнӓ сола гишӓн архив докуметвлӓштӹ 1859-шӹ ин сирен кодымы ылын. Сола халык первишен мӱлӓндӹ пӓшӓм ӹштен, вольыкым урден, мӱкшӹм анжен, охотничӓйӓш каштын. 1929-шӹ ин Изи Пистерлӓштӹ дӓ Эпӓйӹштӹ «Пеледӹш» лӹмӓн колхозым ӹштенӹт. Тӹдӹн пӹтӓришӹ вуйлатышыжы М.Я.Козлов ылын. Кого Вырсышты сола гӹц 12 эдем кредӓлӹн, кудытынжы коленӹт, а вес кудытшы токышты пӧртӹлӹнӹт.

Ӹлӹзӹ шот

1859-шӹ и — 10 кудывичӹ (23 пӱэргӹ, 22 ӹдӹрӓмӓш);
1897-шӹ и — 13 кудывичӹ (32 пӱэргӹ, 28 ӹдӹрӓмӓш);
1907-шӹ и — 62 эдем;
1919-шӹ и — 17 кудывичӹ, 71 эдем (35 пӱэргӹ, 36 ӹдӹрӓмӓш);
2001-шӹ и — 10 кудывичӹ, 21 эдем (8 пӱэргӹ, 13 ӹдӹрӓмӓш).