Йӓктерлӓ

Йӓктерлӓ (рушла деревня Сосновка) ― Изи Йынгы ӓнгӹрӹн вургымла сирӹштӹжӹ вӓрлӓнен. 1975-шӹ ин, остатка вӹц кудывичӹ гӹц халык Октябрьскийӹш ӹлӓш ванжымыкы, сола пӹтен. Сола лӹм «йӓктерлӓ» (сосняк) шамак гӹц лин.

Истори

Сола гишӓн пӹтӓришӹ гӓнӓ 1659-шӹ ин пӓлдӹртен кодымы ылын. Сола халык первишен мӱлӓндӹ пӓшӓм ӹштен, вольыкым урден. 1911-шӹ ин Йӓктерлӓштӹ тӹнгӓлтӹш земский учильище пачылтын. 1914-шӹ ин тӹштӹ 36 тетя тыменьӹн. Тымдышы Антонина Рождественская ылын. 1921-шӹ ин лыдмы пӧрт дӓ тӹнгӓлтӹш школ пӓшӓм ӹштенӹт.

Ӹлӹзӹ шот

1678-шӹ и — 3 кудывичӹ (24 пӱэргӹ);
1717-шӹ и — 4 кудывичӹ (20 пӱэргӹ);
1795-шӹ и — 34 кудывичӹ (40 пӱэргӹ, 85 ӹдӹрӓмӓш);
1859-шӹ и — 30 кудывичӹ (79 пӱэргӹ, 83 ӹдӹрӓмӓш);
1897-шӹ и — 29 кудывичӹ (110 пӱэргӹ, 70 ӹдӹрӓмӓш);
1915-шӹ и — 34 кудывичӹ, 183 эдем;
1919-шӹ и — 35 кудывичӹ, 211 эдем (103 пӱэргӹ, 108 ӹдӹрӓмӓш);
1925-шӹ и — 186 эдем;
1929-шӹ и — 41 кудывичӹ, 200 эдем;
1952-шӹ и — 24 кудывичӹ.