Каламондин
Каламондин (латинлӓ Citrus ×microcarpa) — Рута йыхыш пырышы цитрус пушӓнгӹ. Курым ыжаргы ылеш, пиш пӹсӹн кушкеш, мандарин пушӓнгӹ дӓ кумкват(фортунелла) доно ушымы гибрид. Ылӹштӓшвлӓжӹ изивлӓ, йӹлгӹжшӹвлӓ, тотлы пышанвлӓ. Пеледӹшӹжӹ пиш нӹжгӓ ароматан. Кӹцкӹжӹ нарынзы цӹреӓн, аромат каваштан, изи мандаринӹм ӓшӹндӓрыктӓ. Каламондинӹм пӹтӓртӹш жепӹн декоративный кушкыш семынь, тоны кушташ тӹнгӓлӹнӹт. Телӹм яжон тырха. Яжон кушшы дӓ пеледшӹ манын, соты вӓрӹм айырымыла. Кӓнгӹжӹм ти кушкышым балконыш ӓль садывичӹш лыкташ лиэш. Каламондин косирын кайжы манын, укш мычашвлӓжӹм шошым пӹчкедӹмӹлӓ.
