Климӓн кӱкшӹц

Климӓн сола донышы кукшӹц пӹтришӹ-кокшы курымвлӓ доно пӓлемдӓлтеш. Тӹдӹ Картук сола поселенин вадывелнӹ Изи Йынгын вургымла велнӹжӹ Климӓн сола шайылны вӓрлӓнен. Эмӓн школышты тыменьшӹвлӓ доно МарНИИЯЛИн археологи отрядшы 2004 ин июль тӹлзӹштӹ раскопкывлӓм эртӓренӹт. Экспедицин да раскопкывлӓн тӹнг вуйлатышышты А.В.Михеев ылын. Цилӓжӹ 9 тайымы вӓрӹм момы, нӹнӹ лошты молода пуэргӹн лувлӓжӹм пыргедмӹ. Шукы вӓрежок бронзы оксавлӓм, шидӓлмӓш хадӹрвлӓм: стрела мычашвлӓм, копьем, кӹзӹвлӓм - момы. Кӹзӹт ти вӓрӹштӹ раскыдемдӹшӹ аншлаг шалга.