Когосир

Когосир (рушла Куликалы первые) — сола Кырык сирӹштӹ, Акпарсын мӱлӓндӹшкӹжӹ пырышы сола.

Вӓрлӓнӹмӓш, ӹлӹзӹ шот

Изи Йынгы вургымла сирӹштӹ вӓрлӓнӓ, карем лишнӹ. Картук гӹц 2 уштыш нӓрӹ. 1717-шӹ ин Когосирштӹ 29 кудвичӹ ылын (70 пӱэргӹ дӓ 71 ӹдӹрӓмӓш). 1795-шӹ ин Кукшылидӹштӹ 26 кудвичӹ ылын. 1859-шӹ ин Кого йӓл Шудермараштӹ 65 кудвичӹ ылын (197 пӱэргӹ дӓ 186 ӹдӹрӓмӓш). 1890-шӹ ин 89 кудвичӹ ылын (215 пӱэргӹ дӓ 208 ӹдӹрӓмӓш). 1897-шӹ ин 91 кудвичӹ ылын (221 пӱэргӹ дӓ 225 ӹдӹрӓмӓш). 1915-шӹ ин 91 кудвичӹ ылын 514 эдем ӹлен. 1921-шӹ ин 93 кудвичӹ ылын 447 эдем ӹлен (203 пӱэргӹ дӓ 244 ӹдӹрӓмӓш). 1925-шӹ ин Кыльыкалштӹ 478 эдем ӹлен. 2001-шӹ ин Когосирштӹ 48 кудвичӹ ылын 121 эдем ӹлен (52 пӱэргӹ дӓ 69 ӹдӹрӓмӓш).

Истори

1859-шӹ ин документвлӓштӹ анжыкталеш "Кого йӓл Шудермара" гань. Весӹ лӹмжы "Сиваево" ылеш. Кыльык тиштӹ первиш ӹлӓш тӹнгӓлӹн. "Ал / йӓл" - "сола" гань вашталташ лиэш.