Кожланӓнгӹр

Вӓрлӓнӹмӓш, ӹлӹзӹ шот

Кожланӓнгӹр Кого Шӹндӹрӹн шалахай притокыштыжы, Пӹзӹкныр сола гӹц 3 уштыш ӧрдӹжыштӹ вӓрлӓнӓ. Сола сага Цикмӓ-Чебоксар трассы шыпшалт вазын. Сола лӹмжӹ кок шамак гӹц ӹштӓлтӹн: «кожла» – «ельник» + «ӓнгӹр» – «река».

Историжӹ

Пӹтӓриш гӓнӓ Кожланӓнгӹр сола 1717 ин пӓлемдӓлтеш. Тӹнӓм солашты 26 сурт лин. 2001 и якте сурт шот 37 якте кушкын. XIX-XX курымвлӓштӹ сола Козьмодемьянск уездын Паратмар, Кожваж-Сигачин, Виловатовраж волостьвлӓш пырен. 1921 и гӹц Козьмодемьянск кантонын Кузнецово районышты шотлалтын. 1931 и гӹц кӹзӹт якте Кузнецовы сельсоветыш пыра.

Экономика

Пӓлӹ: 07.08.1930 ин Кожланӓнгӹр сола гач кого шолемӓн юр эртен кен, дӓ улы лӓктӹшӹм пӹтӓрен. 1930 ин солашты ӹшке колхозым чангымы ылын, веремӓ эртӹмӹ семӹнь сола «Дружба», СПК Кузнецовыш пырен. Колхозын председательжӹ лач Кожланӓнгӹр солашты шачын-кушшы Виталий Иванович Ефимов лин, вара Кузнецовы школ директор лин. Тӹдӹ республикы образованин заслуженный пӓшӓзӹжӹ лин, Трудовой Якшар Знамӹ орденым нӓлӓн.

Транспорт

Автобус линивлӓ:

• Цикмӓ – Тӓкӓрӓ,
• Цикмӓ – Шывашар