Кӹсиӓ

Кӹсиӓ (латинлӓ Parus major) — Кӹсиӓвлӓн йыхыш пырышы кек. Мары Элышты сек шӹрен вӓшлиӓлтшӹ кек. Европышты, Азиштӹ, Йыдпел-Вадывел Африкышты ӹлӓс. Шӹренжок шӹргӹвлӓштӹ, корны тӹрӹштӹ, вӹд лишнӹ вӓшлиӓлтеш. Ик иштӹ кок гӓнӓ мынза дӓ игӹвлӓжӹм лыктеш. Пӹжӓшжӹм ыражан пушӓнгӹвлӓштӹ, махань-шон ражвлӓштӹ, халашты кынамжы окня лӹвӓлнӹш кӹртни листӹ лӹвӓлнат оптен кердеш.