Моргауш район (суслала Муркаш районĕ, рушла Моргаушский район) — Суасламарыштыш район, Кырык мары кымдемӹн кечӹвалвел пашкудыжы. Административ центржы: когосола Муркаш.

ГеографижӹТӧрлаташ

Кырык мары кымдем гӹц пасна Моргауш район Суасламарыштыш техень районвлӓ доно йӹгӹре ылеш: Шавашар район, Аликово дӓ Йӓдӹрнӓ. Районын кымдецшӹ: 845,3 км² (84,53 тӹжем га).

ИсторижӹТӧрлаташ

Районым 10 февральын 1944-шӹ ин формируйымы.

ӸлӹзӹвлӓТӧрлаташ

1 январеш 1999 иэш 37,5 тӹж. эдем дӓ 2005 иэш — 36,8 тӹж. эдем шотлалтын. Район сола район ылеш. Районышты цилӓжӹ 177 сола дӓ ӹлем. Кырык мары солавлӓ доно тӓнгӓштӓрен, нӹнӹ когорак ылыт, икпоратка шотшы 200 эдем гӹц шукырак. 98%-жы- суасламарынвлӓ ылыт.