Патраш Василий

Патраш Василий
Шочын	1905 ин 28 ноябрьын(1905-11-28)
Шочмо вер	Кого Сӧрмäнӓнгӹр[d], Пӹзӹкныр вел солавлӓ, Кырык мары кымдем, Марий Автоном Совет Социализм Республик[d], Россий Совет Федератив Социализм Республик[d]
Колен	1938 ин 27 сентябрьын(1938-09-27) (32 и)
Тыршымаш алан	общественный деятель, журналист, редактор, вуйлатышы, сирӹзӹ

Патраш Васли (Вас Патраш), лачокла лӹмжӹ Василий Петухов — кырык мары сирӹзӹ.

Васили Патрашын ӹлӹмӓш корныжы:

• 28 ноябрь 1905 – В. Патраш Кого Сöрмӓнӓнгӹр солаэш шачын.
• 1914-1917 – Изи Сöрмӓнӓнгӹр, Эсӓнсола земский школвлӓштӹ, Пӹзӹкныр церкӹ кымдем школышты тыменьӹн.
• 1917 и март гӹц – кавашты мастар доны, кем ыргызы доны, тигыт заводышты пӓшӓлен.
• 1923 и – Цикмӓштӹ политграмота курсышты тыменеш.
• 1923-1925 – совпартшкола.
• 1925-1926 – Пӹзыкнӹр солашты избач, РКСМ-ын Пӹзӹкныр ячейкын секретарьжы.
• 1926-1927 – Кырык мары райкомын инструкторжы, пропагандист дӓ орготделын вуйлатышыжы.
• 1928-1929 – Пӹзӹкныр соласовет вуйлатышы, Кого Сöрмӓнӓнгӹрӹштӹ «Красный пахарь» колхозын организатор.
• 1929 и – Красный мост пристаньын рабочкомын секретарьжы.
• 1929 июнь – «Кыралшы» район газетӹн секретарьжы.
• 1931-1933 – Москваштышы Журналистика институтын студентшӹ.
• 1933-1935 – Йоласалышты лӓкшӹ «Большевик колхозвлӓ верц» газетӹн редакторжы.
• 1935-1036 – «Ленин корны» район газетӹн редактор.
• 1936-1937 – Йоласал районын «Большевик корны» газетӹн редакторжы.
• 1937 и – Йоласал райком секретарьын заместительжӹ.
• 1937 июль – Мары сирыӹзӹлӓн ушемӹн вуйлатышыжы.
• 27 сентябрь 1938 и – НКВД-ын тройкын решени доно лӱэн пуштмы.

Вас. Патрашын пӓшӓ корныжы:

Пецӓтлӓлтшӹ книгӓвлӓжӹ:

1. Тӓнгӓштӓрен. Шайыштмашвлӓ. Козьмоднмьянск, 1932.
2. ӹлӹмӓш вашталтеш. Шайыштмашвлӓ. М-Л, 1933.
3. Шайыштмашвлӓ. М, 1936.
4. Садшы пеледеш. Айырен нӓлмӹ произведенивлӓ. Й-Ола, 1963.
5. Комаровын шайыштмашыжы. «Патыр курым». Й-Ола, 1980.

Вас. Патрашын творческий корныжы:

• 1930 и – «Тӓнгӓштӓрен» повесть.
• 1931-1932 – «Незер» повесть.
• 1932-1936 – «Колхоз садшы пеледеш» («ӹлӹмӓш лаштык») повесть. «Сӓрнӓлтмӓштӹ», «Аликов Петр», «ӹлӹмӓш вашталтеш», «Ким ыныка», «Мӹнь инженер линем» шайыштмашвлӓ.
• 1934 и – «Комаровын шайыштмашвлӓжӹ» очерк.
• 1934-1937 - «Овдоть» роман.