Пижоргы

Пижоргы, тенгеок Пижӧргӹ - телӹм кидеш чимӹ выргем хӓдӹр. Пижоргы кок лаштык гӹц ылеш: иктӹжӹ коговарнялан, кокшыжы вес парнявлӓлӓн. Пижоргы лӹмӹнок кого уштӹвлӓ годым эффектӓн ылеш, тӹдӹ шукырак шокшым коргӹштӹжӹ урда дӓ тенге парнявлӓ ак кӹлмеп. Шӹренжок пижоргым мижӓн шӹртӹ гӹц пидӹт. Пӹтӓртӹш ивлӓн кавашты дон замшы гӹц ыргымы пижоргывлӓӓт шӹренок вӓшлиӓлтӹт. Марынвлӓн первиракшы "марла пижоргы" ылын, кыды пидмӹ йон донжы айыртемалтеш. Пижоргы косирӹн кайжы манын тӹдӹм тӹрлец дӓ апликацивлӓ доно сӹлнештӓрӓт. Пижоргы вӹлӓн халык тӹрлецвлӓмӓт тӹрлӓт.