Рамбутан
Рамбутан ( латинлӓ Nephelium lappaceum ) — Sapindaceae йыхыш пырышы шӹренжок Индонезин тропикӹштӹ кушшы фруктан пушӓнгӹ. Этимологижӹ индонез йӹлмӹштӹш rambut шамак доно кӹлдӓлтӹн, кыды кырык марла "ӱп" лиэш. Кӹцкӹжӹ слива ганьырак. Виноград гань, аваха доно кушкеш, ик авахашты 30 нӓрӹ якшар цӹреӓн кӹцкы лин кердеш. Нӹнӹжӹ 4 - 5 см кыташ ӱп доно вуйта леведӓлтӹнӹт. Кӹцкӹн пайжым качкаш лиэш, тӹдӹ ошикӓ-сарикӓ цӹреӓн дӓ тотлы тотан.
