Родюк (рушла деревня Родюково) — Усола гӹц ик уштышышты вӓрлӓнӓ. Сола лӹм тӹдӹлӓн тӹнгӓлтӹшӹм пиштӹшӹ эдем лӹм доно кӹлдӓлтӹн.

Истори тӧрлӓш

Пӹтӓришӹ гӓнӓ Родюк гишӓн 1859-шӹ ин сирен кодымы ылын. Сола халык первишен мӱлӓндӹ пӓшӓм ӹштен, вольыкым урден. Кого Вырсышты Родюк гӹц 12 эдем кредӓлӹн, кудытынжы коленыӹ, вес кудытшы токышты пӧртӹлӹнӹт.

Нӹнӹ логӹц рядовойвлӓ Егор Васильевич Аняшкин, Мария Григорьевна Иванова, ст. сержант Виктор Петрович Аникин дӓ молат. 1948-шӹ ин солашты радио попаш тӹнгӓлӹн, 1971-шӹ ин пӹтӓришӹ телевизор лӓктӹн. Варарак вӹд пычым шыпшмы дӓ асфальтым шӓрӹмӹ.

Ӹлӹзӹ шот тӧрлӓш

1859-шӹ и — 11 кудывичӹ (21 пӱэргӹ, 24 ӹдӹрӓмӓш);
1889-шӹ и — 9 кудывичӹ (15 пӱэргӹ, 18 ӹдӹрӓмӓш);
1897-шӹ и — 8 кудывичӹ (18 пӱэргӹ, 20 ӹдӹрӓмӓш);
1915-шӹ и — 7 кудывичӹ, 37 эдем;
1919-шӹ и — 9 кудывичӹ;
1925-шӹ и — 37 эдем;
2001-шӹ и — 5 кудывичӹ, 7 эдем (3 пӱэргӹ, 4 ӹдӹрӓмӓш).