Эшмякова, Фаина Викторовна: версивлӓ лоштышы айыртем

'''Фаина Викторовна Эшмякова''' –— лӹмлӹ кäршӹзы, мырызы, педагог, Мары Эл Республикыштышы культурын заслуженный пäшäзӹжӹ (1992). Тӹдӹ 1956 ин 29 майын Микрäк вел Важйäл Когосолаэш шачын. 3 класс якте Йурнӹ районыштышы Карасйäр кäндäшиäш школышты, а вара Микрäк кӹдäлäш школышты тыменьӹн. Тенгеок тиштӹ музыкальный школын кäрш классым тымень лäктӹн. Тӹдӹн тымдышыжы лӹмлӹ кäршӹзӹ Тамара Андреевна Ягельдина ылын. 1973-1977 ивлäн И.С.Палантай лӹмäн музыкальный училищӹштӹ, дирижерско-хоровой отделеништӹ, тыменеш. Пӹтäрӹмӹкӹжӹ, ик и Микрäк тетя музыка школышты пӹшӹлӹ. Кӹзӹт Йоласал тетя музыка школышты кäрш доно шакташ тымда. 1984-1990 ивлäн Мары кугижäнӹш университетӹшты историко-филологический факультетӹштӹ заочно тыменеш. «Марийские гусли: прошлое и настоящее» лӹмäн дипломный пäшäм сирä дä тӹдӹм пасна книгä доно 1993 ин пецӹтлен лыктеш. Фаина Викторовна художественный самодеятельностьӹн дä «Шӹжвӹк» ансамбльын ик активный участницӹжӹ дä солисткыжы ылеш. Тӹдӹн сӹлнӹ юкшы шӹренок сцена гӹц йонгалтеш, репертуарыштыжы кырык мары композиторвлäн веле агыл, алык мары композиторвлäн мырывлäмäт кычылтеш. «Мыры-91-99» конкурсвлäштӹ лауреат лӹмӹм сӹнген нäлӹн. Кäрш ансамбль доно икäнä веле агыл республикыштына, Российын кого халавлäштӹ дä вескид сäндäлӹквлäштӹ шактен дä мырен каштын.