Аликов, Валерий: версивлӓ лошты айыртем

Контентым кораҥдыме Контентым ешарыме
Amdf (кӓнгӓшӹмӓш | вклад)
Тӧрлымашын возен ончыктымашыже уке
moved to Wikisource
1 корны:
'''Аликов Валерий''', псевдолӹмжӹ [[Валери Микор|Валери Микор]], [[1-шӹ январь|1-шӹ январь]]ын, [[1960|1960]], [[Ӓвӓсир|Äвäсир]]. Поэт, сäрӹзӹ, сӹлнӹшая критик. [[Шур школ|Шур школ]] паштек [[Угарман|Угарман]]ышты техникумышты, [[Тарту|Тарту]] дä [[Хельсинки|Хельсинки]] университетвлäштӹ тыменьӹн. Тарту университетӹн философи факультетшӹм пӹтарен, кымдан пäлӹмӹ [[семиотик|семиотик]] [[Лотман Юрий Михайлович|Лотман Юрий Михайлович]]ӹн лекцивлäжӹм колыштын. Хельсинкиштӹ лäкшӹ [[«Цикмä»|«Цикмä»]] журналын редакторжы. [[«Шäла тигрвлäн мӱлäндӹлäн»|«Шäла тигрвлäн мӱлäндӹлäн»]] лыдыш книгä ([[1999|1999]] и) дон [[«Пöрт Шур сирӹштӹ»|«Пöрт Шур сирӹштӹ»]] новелла-эссе книгäм ([[2004|2004]] и) сирен. Лыдышвлäжӹм англ, коми, руш, финн дä эстон йӹлмӹвлäш сäрӹмӹ.
 
<poem>
'''Тумвлӓ пӹлгомышкыла кырмат'''
Тумвлӓ пӹлгомышкыла кырмат
Вуешӹштӹ пӹлвлӓӓт тӹкӹлӓлтӹт машанет
Мӹнят кырмем
Кынамжы пӹлвлӓмӓт тӹкӓлмӹ шон колта
Дӓ пышкыды пӹлеш шӹнзӹн
 
Мӱлӓндӹн кымдыцшым анжалаш
Чонгештӹнем.
 
Тумершкӹ церкӹшкӹ вуйта пырет
Дӓ тум лишкӹ
Икона анзыкы вуйта толат,
Элтӓлет, юк лыкде тӹдӹ доно хытыралат.
Тӹдӹжӹ гӹнь туан ӓтялӓок
Тӹньӹм вуйта ынгыла.
 
Тьотям, ӓтям, ӹзӓм, шольым,
Папам, ӓвӓм ӓкӓм, шыжар –
Кырык марынвлӓ,
Ӓвӓсирӹштӹ шалгышы
Виӓн лаштра тумвлӓ,
 
Кыдывлӓ важвлӓштӹм келгӹшкӹ,
Анят, мӱлӓндӹн кӧргӹшкок колтенӹт.
«Важдымы тум йӹле кошка,
Важдымы эдем йӹле ямеш»-
Тьотям мӹлӓнем икӓнӓ келесен.
 
Мӹньӹн тумем важвлӓжӹм
Келгӹшкӹ колтен
Седӹндонат тӹдӹм тулмардежӓт,
Тел поранат сӹмӹрен ак сӹнгӹ.
Мардеж пуалмы годым
Тумвлӓ укшвлӓштӹм лыпшалыт
Ӹлыштӓшвлӓштӹ доно шужгалтат:
«Ӹш-ш-ш…! Ӹш-ш-ш!».
Нӹнӹ мӹлӓнем туан йӹлмӹнӓ
Доно вуйта попалтат,
Шужгалтат, хытыралыт.
 
«Тум-кырык марынвлӓм
Анжыктышы пӱшӓнгӹ»
Тьотям мӹлӓнем келесен.
Тӹдӹ шукым тырха,
Ӹлӓш цаца, соты докы
Кырма дӓ укшвлӓжӹм шӓрен,
Вес тумлан палшык дон кычыкым
Виктӓ. Ӓнят тенге нӹнӹ
 
«Иквӓреш лиӓш келеш!»
Манын икӹжӓк –иктӹлӓнӹштӹ
Келесӹнештӹ?
Тумерлӓлӓ каяш манын
Мӓлӓннӓӓт иквӓреш лимӹлӓ
«Иквӓреш, цымырын лиӓт гӹнь
Ӹлӓшӓт куштылгырак»-
Манын тьотям келесен.
 
Иквӓреш линӓ гӹнь,тӓнгӹн кидшӹмӓт пӓлет
Иквӓреш линӓ гӹнь кичкӹж-цӹркӓнен,
Нелӹвлӓмӓт сӹнгет
Иквӓреш линӓ гӹнь ойхынаат чӹдӹрӓк
Иквӓреш линӓ гӹнь сусунаат шукырак
Иквӓреш линӓ гӹнь йӹлмӹнӓӓт лывыргырак
Иквӓреш линӓ гӹнь мырывлӓнӓӓт сусураквлӓ
Иквӓреш линӓ гӹнь кӓршнӓӓт сусуракын тьонга
Иквӓреш линӓ гӹнь аярат сотыракын анжа
Иквӓреш линӓ гӹнь пӓшӓнӓӓт ашна
Иквӓреш линӓ гӹнь лыдышвлӓӓт сирӓлтӹт
Иквӓреш линӓ гӹнь нӹнӹ лыдалтыт
Иквӓреш линӓ гӹнь ӹшкенӓ гӹц анна шеклӓнӹ
Иквӓреш линӓ гӹнь марын ылмына доно когоэшненӓ
Иквӓреш линӓ гӹнь ӹшкӹмнӓм шотеш пиштенӓ
Иквӓреш линӓ гӹнь йӹрвӓш шукырак ужына
Иквӓреш линӓ гӹнь …
 
Ӓлдок, тенгежӹ гӹнь, иквӓреш линӓ!
Иквӓреш линӓ гӹнь ӹшкӹмнӓм шотеш пиштенӓ
Иквӓреш линӓ гӹнь йӹрвӓш шукырак ужына
Иквӓреш линӓ гӹнь …
 
Ӓлдок, тенгежӹ гӹнь, иквӓреш линӓ!
Тумвлӓ пӹлгомышкыла кырмат
Мӹнят тум ганьок
Кӱшкӹлӓ дӓ сотышкыла кырмаш цацем
Кӱшӹцӹн йӹрвӓш шукыракым ужат
Дӓ иктӓ пӹл вӹк шӹнзӹн
Мӱлӓндӹн кымдыцшым анжал кердӓт.
 
'''Тӹньӹм яраташ лиэш...'''
Тӹньӹм яраташ лиэш
Дӓ вырсаш лиэш,
Тӹнь гишӓнет
Лыдышвлӓм сирӓш
Дӓ мырывлӓм мыраш лиэш,
Тӹньӹм мондаш лиэш
Дӓ шумышты урдаш лиэш,
Туан шачмы вел.
 
'''Икӓнӓ лыдышвлӓм сирен шӹнзӹмем годым...'''
Икӓнӓ лыдышвлӓм сирен шӹнзӹмем годым
Окняшкем ыжар сӹнзӓн тигр анжальы
Дӓ мам ӹштет? - яды.
Мӹньжӹ лыдышвлӓм сирем, маньын,
Вӓшештӹшӹм.
Вара кыце сирем, тӹдӹм шукы анжен шӹнзӹш.
Компьютерӹштем тистӹвлӓн
Тӹргештӹлмӹштӹ тӹдӹлӓн пиш
Потикӓлӓ чучыныт.
- Тӹнь махань йӹлмӹ доно сирет?- тӹдӹ яды.
- Кырык марла, - мӹньжӹ маньым.
- О-хо, кырык марла? Пиш интересныш, кышты
Вара ти йӹлмӹ доно попатшы?-
Мӹнь вӹкем ыжар пуры сӹнзӓвлӓжӹ
Доно анжен тӹдӹ яды.
-Йыл тӹрӹштӹ, Кырык дӓ Кожла сирӹштӹ,-
Мыньжӹ келесӹшӹм.
Тидӹн паштек сирӹмем пакыла анжен.
Лыдышым сирен пӹтӓрӹмем годым
Ӹнде мӹлӓм кеӓш келеш, - маньы.
Токына толмыкем кырык марла лыдышым
Сирӹмӹм ужмем гишӓн шайышт пуэм, - маньы.
Вара лишӹл шӹргӹ шайыкы
Кужы тӹргештӹшӹм ӹштӹш.
-Тигр мӱлӓндӹлӓн шӓлӓм келесок! – мӹньжӹ
Тӹдӹлӓн манын шоктышым.
</poem>
 
== Ажедмäшвлä ==