Тодымваж
Тодымваж (рушла Тодымваж) — Кого Йынгын шалахай сирӹштӹжӹ вӓрлӓнӓ. Эмӓн якте 7 уштыш, Пӧртныр якте 1 уштыш. Сола лӹм «тодык» (изгиб) да «важ» (родник, ручей) шамаквлӓ гӹц лин.
Истори
тӧрлӓтӓшСолам XX курымын коклышы ивлӓштӹжӹ пашкуды солавлӓ гӹц тишкӹ ӹлӓш ванжышы мары кресӓньвлӓ ӹштенӹт. Коллективизаци жепӹн Тодымваж сола халык «Трактор» лӹмӓн колхозым ӹштен. Тӹдӹн пӹтӓришӹ вуйлатышыжы Н.К.Плахин ылын. Кого Вырсы фронтышты ти сола гӹц 26 эдем кредӓлӹн, нӹнӹ логӹц луаткымытынжы коленӹт, вес луаткымытшы токышты пӧртӹлӹнӹт. Тидӹ: мл. сержант Никандр Иванович Крайнов, ефрейтор Николай Порфирьевич Алёшкин, рядовой Степан Арсентьевич Саматаев дӓ молат. Сола гӹц мӹндӹрнӹ агыл кырык мары плодоварочный заводлан плантаци-питомникӹм ӹштӹмӹ ылын. Тӹштӹ изимӧрӹм, шаптырым, имӓн шаптырым, олмавувлӓм куштенӹт.
Ӹлӹзӹ шот
тӧрлӓтӓш2001-шӹ и — 34 кудывичӹ, 84 эдем (41 пӱэргӹ, 43 ӹдӹрӓмӓш).