Тявӓк

Тявӓк (рушла деревня Тебяково) — Цикмӓ-Яштуга когогорны лишнӹ вӓрлӓнӓ. Эмӓн якте 3 уштыш. Сола лӹм тӹдӹлӓн тӹнгӓлтӹшӹм пиштӹшӹ эдем лӹм доно кӹлдӓлтӹн.

Истори

Пӹтӓришӹ гӓнӓ сола гишӓн 1795-шӹ ин сирен кодымы ылын. Сола халык первишен мӱлӓндӹ пӓшӓм ӹштен, вольыкым урден. 1929-шӹ ин Тявӓк халык «Пӓшӓ» лӹмӓн колхозым ӹштен. Тӹдӹн пӹтӓришӹ вуйлатышыжы К.С.Роюков ылын. Кого Вырсы фронтышты сола гӹц 12 эдем кредӓлӹн, нӹнӹ логӹц 7 эдемжӹ колен, а вӹзӹтӹнжӹ токышты пӧртӹлӹнӹт. Тидӹ: сержант Герман Степанович Роюков, мл. сержант Порфирий Никифорович Армянов дӓ молат.

Ӹлӹзӹ шот

1795-шӹ и — 5 кудывичӹ;
1859-шӹ и — 22 кудывичӹ (35 пӱэргӹ, 47 ӹдӹрӓмӓш);
1897-шӹ и — 12 кудывичӹ (29 пӱэргӹ, 34 ӹдӹрӓмӓш);
1915-шӹ и — 13 кудывичӹ, 86 эдем;
1919-шӹ и — 15 кудывичӹ, 78 эдем (36 пӱэргӹ, 42 ӹдӹрӓмӓш);
1925-шӹ и — 58 эдем;
1929-шӹ и — 13 кудывичӹ, 72 эдем (32 пӱэргӹ, 40 ӹдӹрӓмӓш);
2001-шӹ и — 11 кудывичӹ, 27 эдем (12 пӱэргӹ, 15 ӹдӹрӓмӓш).