Шапкилӓсола Кырык сирӹштӹ, Паратмар якте 1, Виловат якте 5 уштыш ӧрдӹштӹ, Кого Йынгы ӓнгӹр сирӹштӹ. Солашты техень пӓлӹмӹ эдемвлӓ шачыныт: Шурыштыш Педтехникумым тымень лӓкшӹ Васкин Венедикт Петрович — рушла-кырык марла лӹмдерӹн (1941) авторжы, фронтышты колен, 1943-шы ин Сталинӹм Тегераныш нӓнгешӹ эскадрилиштӹш лётчик, подполковник Трифон Григорьевич Якутов (19231990). 2001-шӹ ин солашты 124 эдем ӹлен.