|
'''Виталий Альбертович Петухов''' — поэт, прозаик. 1954 ин 9 пургыж тӹлзӹн Кырык мары районын Кого Сӧрманӓнгӹр солаэш шачын. Марий Элын С. Г. Чавайн лӹмеш кугижӓнӹш премин лауреатшы. Кужыӓнгыр районыштыш "Заря" газетӹн тӹнг редакторжы. Лыдышвлӓжӹм 1980-шы и годшен сирӓ. Кужэҥер поселкышты ылӓ. Поэзи гӹц пасна прозым сирӓ. Тӹдӹ мастаран романист ылеш, кыдын кидшӹ лӹвец техень романвлӓ лӓктӹнӹт:"Акрӓм" (1994), "Пӹсӹ пикш, тангыла янгеж" (1998), "Кучкыжвлӓ дӓ курныжвлӓ" (2002), повестьвлӓ - "Цилӓжӓт ик кангӹж", "Шӹжвӹк йумӹ выд","Корны мыч арава кен","Тылваста", "Якшар покан автобус", фэнтези "А мӹнь - ымбак...".
== Модернизм шулӹшӓн пӓшӓвлӓжӹ: ==
<poem>
Сотыгечӹ гӹцӓт когоракын
Мардеж Авӓ!
Ниӓлтӹ пышкыды кидет дон
мӹнь яратымы ик ӹдӹрӓмӓшӹм,
тек тӹдӹлӓн кӹрӓтӹштӹ чучеш,
вуйта мӹнь тидӹ кӹзӹт семӓлем.
О Тыл Авӓ!
Ырӹктӹ шокшет доно тӹдӹм,
мӹнь яратымы ик ӹдӹрӓмӓшӹм,
йӓнгжӹ циц тек тыл салым ӹлӹжеш,
йыла цӓрнӹде, мӹньӹм яратен.
О Вӹд Авӓ!
Цӹвыӹлтӹ,
ял парня гӹц тӹнгӓлӹн, уп якте,
мӹнь яратымы ик ӹдӹрӓмӓшӹм,
нӹжгӓ кӓпшӹм, коэ доно мадын,
вуйта мӹньӹ ты кӓпӹм шыпшалам.
Мардеж Авӓ,
Тыл Авӓ,
Вӹд Авӓ!
Ужын-ужде,колын-колде, тӓ пӓлӹшӹ лидӓ:
Сотыгечӹштӹ ик ӹдӹрӓмӓшӹм
сотыгечӹ гӹцӓт когонрак мӹнь яратем!
ИНТЕРНЕТ
Мӹнь тӹньӹм Интернетӹштӹ кычӓлӓм.
Кышты ылат? Колтынем пиш шӓлӓм.
Аль Интерполым палшаш тиш сӹгӹрӓш?
Ангӹремшӹвадым шамде кӹрӓм.
WWW (дабл-ю, дабл-ю, дабл-ю).
Марий Эл. Точка. RU/
Улы мир мӹлӓнем чучеш торын.
Анжем мониторым.
Вуйыштем шуэш ру.
Ак пырты пакыла драйвер?
Ак кел
Мӹлӓнем хакер
Тӹнь докет корным пачаш.
Маок тагачы?
Анжы, маханьы сайт.
Сай вер. Яжо.
"Хасиев Ахмет Сайд
Якупович".
Тӹньжӹ эче кышец лыктыц важым?
Ваххавитвлӓн тиштӓкен пыш?
Нӹнӹ, йӓ, анжал хоть кыш.
Кыдалам пакыла, пакыла...
Джусай? Ма тыгай? А-а-а...
(Охырам да пуӓнохырам иквӓреш яры).
Охыр... Кӹчӓлмем ли йӓрӓ.
Ылат вет кышты гӹнят.
Теве ти лыкышты, ӓнят?
Инсайт... Пӹтӹш...
Ситӓ ородыла кӹтӓш
Йӓлын ойышы имни кӹтом.
Цӓрнок. Иток.
0(ноль) - мӹньӹн итог.
Окняшкы ир жерӓ анжа.
Иргодыш кыцелӓ ванжаш?
Нимат шижӹн шӹм шокты.
Кӹчӓл! Кӹчӓл дӓ покты?
Шанымашем - кокты.
Интернет...
Ородыш кеет вет?
[[Category:Мары персоналивлä|П]]
[[Category:сирӹзӹвлä|П]]
[[Category:Wp/mrj]]
| 